"ألتقى مساء أمس السيد الرئيس مع الراقصة دينا للتشاور فى مستجدات الوضع الراهن فى الشرق الأوسط . و قد أعرب سيادتة عن ...................................................................………….............."
أنا أقدر أشيلك و أحطك و أركّبك و أركبك و أجيبك و أوديك و أنا فى مكانى . اقدر كمان أعمل أنتخابات حره و أرشح الصغير - سعد - و اللمبى 8 جيجا , الصغير أكبره و الليمبى أخلييه تيرا . أرجع الأشراف القضائى على الأنتخابات و أحدد مدة الحكم بدورتين , أحيى خالد سعيد و أخلييه يضرب أللى موّتوه على طيلمانتهم - بالتووييز - , أخرج المعتقليين من سجونهم و أسيبهم عليك - و عليها - أعمل بدل النيل 100 نيل و أحط العاصمه فى وسطيها , أرجع الخشخاش و أصلح كمرات المراقبة و أعرفك انها مش سايبه , و ممكن تطلب معاية و أعملنى الريس و أجيب جوارى و شوية خدم و أقلب على هارون العبيط .
ممكن كمان أدخل بيتك و أنام مكانك و أطلق سوزانك و أتجوز و أجيب مراة أب لعيالك و بدل علاء , ألاء و بدل جمال , شريهان .
تحب أرجعلك شبابك؟ تيتك كبيرة شوية , تحب أصغرهالك ؟ نفسك تروح الملاهى , أركبك الحلزوون؟ لون عيونك خراوى , تحب أشد السفوون ؟ شايف نفسك فرعون , أبنيلك مسلة و أأعدك عليها ؟ عارف البرج , تحب تلبسه ؟ عمرك شفت قنديل , تحب تمسكه ؟ زارع جيلاتى , تحب تلحسه ؟
مصر الكل شايفها واحده ست أنا بقى هعملها واحد صحيح و هحلله الزنى , هصغر دماغى عشان مش عايز اكبرها تانى , هتجوز بارديس و هجيب حليم يغنى ف فرحنا , هفتح أعتماد و أجيب لكل لعييب كورة بدل ماكل يوم الناس بتتفرج عليهم , هجيب بيكاسو يرسملى قلب على نقطة ميه و أديها ذكرى لحببتى .
كل د ممكن يحصل ف ليلة رايئه , أنت فاكر أن أنت بس أللى مصرى !!؟ كلها مصريين .. بقى عشان أحنا طايبيين تسطعبطنا ، تقولنا أن أنت هناك و أنت هنا ، عايز تبيع المايه ف حارة السقايين ! يعنى أنت ممكن تموت و يقولوا عليك من الخالديين و نفضل نعبدك ليووم الدين !
أذا كان سيادتك سياستك تضلنا و تحكمنا بالذى لم يحدث و تقول أنك موجب و أنت سالب فدعك - فكك - من شغل الهواه و لتحترف الضحك علينا ,, أكبر بقى
نصيحة : استخدم فوتوشوب سى أس فايف , حلو هيعجبك
Follow Me
0 التعليقات:
Post a Comment